Mediante este servizo pretendemos proporcionarche apoio emocional, tanto individual como en grupo, nun espazo íntimo e acolledor para afrontar con confianza e respecto todo o que che afecta e te frea no teu día a día.
É un elemento clave na atención integral das persoas con discapacidade e persoas do seu entorno.
QUEN PODE ACCEDER?
Para acceder ao servizo terán preferencia aquelas persoas asociadas e os seus familiares.
QUE OFRECE?
Un espazo terapéutico no que acoller as dificultades mediante un acompañamento personalizado e sen xuízos. Aprendendo os recursos necesarios para transformar os obstáculos en oportunidades de aprendizaxe mediante:
- Sesións individuais para as persoas asociadas e os seus familiares.
- Obradoiros: Xestión e expresión emocional, afrontamento do estrés, habilidades sociais.
- Grupo de apoio: espazo para compartir emocións e experiencias.
Contacto: psicologia@grumico.com
Profesional: Lorena Pasandín Valeiro. Graduada en psicología. Master en psicología general sanitaria.
